საქართველოს პრეზიდენტი სალომე ზურაბიშვილი სირიაში ე.წ. "აფხაზეთის საელჩოს" გახსნას ეხმიანება.
"სირიაში ე.წ. "აფხაზეთის საელჩოს" გახსნა დამასკოს მხრიდან საერთაშორისო სამართლის უხეში დარღვევაა. საერთაშორისო თანამეგობრობამ დაგმო და მომავალშიც დაგმობს სირიის მიერ საქართველოს ტერიტორიული მთლიანობის დარღვევას", - წერს საქართველოს პრეზიდენტი.
"საელჩოს" გახსნა დაგმო საქართველოს საგარეო საქმეთა სამინისტრომაც.
შეგახსენებთ, სირიაში ოკუპირებული აფხაზეთის ე.წ. საელჩო დღეს გაიხსნა.
სირიის არაბულმა რესპუბლიკამ აფხაზეთის "დამოუკიდებლობა" 2018 წლის მაისში აღიარა.
