ცხინვალის იზოლატორში მყოფი მოზარდების გათავისუფლების საკითხი სავარაუდოდ, 2 დღეში გადაწყდება.
ამის შესახებ ინფორმაციას გორის მუნიციპალიტრეტის გამგებელი ავრცელებს.
მისი თქმით, რამდენიმედღიანი დუმილი შემდეგ ცხინვალი კონტაქტზე წუხელ, გვიან ღამით გამოვიდნენ.
"ცხინვალი გუშინ კონტაქტზე გამოვიდა. ისინი შიდა ქართლის სამხარეო პოლიციის მთავარი სამმართველოს უფროსს დაუკავშირდნენ. ხვალ, ან ზეგ შეხვედრა შედგება, რაზეც კონკრეტულ საკითხზე ვილაპარაკებთ და ალბათ, ეს პრობლემა გადაწყდება", - აცხადებს გორის მუნიციპალიტრეტის გამგებელი.
უკვე მე-11 დღეა მოზარდები ოკუპანტებისა და მარიონეტული რეჟიმის ტყვეობაში იმყოფებიან.