ჩეჩნეთის რესპუბლიკის ლიდერი, რამზან კადიროვი აცხადებს, რომ რუსეთის პრეზიდენტმა, ვლადიმერ პუტინმა გენერალ-მაიორის ჩინი უბოძა. ამის შესახებ კადიროვმა "ვკონტაკტე"-ს საკუთარ გვერდზე დაწერა.
მისი თქმით, გენერალ-მაიორის ჩინის მინიჭების შესახებ ბრძანება თავად პუტინმა სატელეფონო საუბრისას წაუკითხა.
"მადლიერებას გამოვხატავ ვლადიმერ პუტინის მიმართ ახალი ტიტულის მინიჭებისთვის, ასევე ყველაფრისთვის, რასაც ის აკეთებს ჩვენი დიადი სახელმწიფოს განვითარებისთვის. მე ყოველთვის მითქვამს და კიდევ ერთხელ გავიმეორებ, რომ მე ვარ ჩვენი პრეზიდენტის ერთგული ჯარისკაცი და მე მზად ვარ შევასრულო მისი ნებისმიერი სირთულის დავალება ნებისმიერ კონტინენტზე", - დაწერა კადიროვმა.
პუტინის მიერ კადიროვის სამხედრო ჩინით დაჯილდოვებას წინ უსწრებდა შეერთებული შტატების მიერ კადიროვისა და მისი ოჯახისთვის სანქციების დაწესება.
