ამერიკის შეერთებულმა შტატებმა ჩეჩნეთის ლიდერი რამზან კადიროვი შავ სიაში შეიყვანა. ამის შესახებ განცხადება ამერიკის სახელმწიფო მდივანმა მაიკ პომპეომ Twitter-ზე დაწერა.
როგორც პომპეო წერს, კადიროვის შავ სიაში შეყვანა მისი მხრიდან ადამიანის უფლების უხეშ დარღვევას უკავშირდება.
“სახელმწიფო დეპარტამენტი საჯაროდ აცხადებს რუსეთის მოქალაქეს, რამზან კადიროვს, როგორც პირს, რომელიც ადამიანის უფლებების უხეშ დარღევაში, მათ შორის წამებაში, მკვლელობასა და ადამიანების გაუჩინარებაშია ჩართული. ჩვენ უყოყმანოდ ვიყენებთ ყველა ჩვენს ხელთ არსებულ ინსტრუმენტს, რომ მოხდეს ამ დარღვევებზე პასუხის გაცემა“, - წერს პომპეო.
ვაშინგტონს კადიროვის წინააღმდეგ სანქციები მანამდეც ჰქონდა დაწესებული. ამჯერად სანქციები კადიროვის ცოლსა და მის ორ ქალიშვილზეც გავრცელდება.
შეერთებული შტატები კადიროვს და მის ოჯახს ქვეყნის ტერიტორიაზე არ შეუშვებს.
