გერმანელი ექსპერტის ალექსანდრე რარის ინფორმაციით, სწორედ ამის შესახებ ისაუბრებენ რუსეთის, საფრანგეთისა და გერმანიის ხელმძღვანელები ფრანგულ დოვილში დაგეგმილ შეხვედრაზე. შეხვედრა 18-19 ოქტომბერს უნდა გაიმართოს.

"აქ იგულისხმება სამხრეთ ფორმატში გატარდეს სიღრმისეული აზრთა გაცვლა გამოცვლა. პარტნიორების განვითარების გზებზე უსაფრთხოებისა და თანამშრომლობის საერთო ევროპული სივრცის ფორმირებისათვის. საუბარი ასევე იქნება ამ სფეროში არსებულ გამოწვევებზე და მათზე რეაგირების მექანიზმების სრულყოფაზე" - ნათქვამია შეხვედრის არსისადმი მიძღვნილ ინფორმაციაში, რომელიც კრემლის ვებ-გვერდზეა გამოქვეყნებული.

მოლდოვის საგარეო საქმეთა სამინისტროში "ნეზავისიმაია გაზეტას" წყარო ადასტურებს, რომ რუსული ჯარის გაყვანის შესახებ კიშინოვსა და ტირასპოლში მოლაპარაკებები უკვე მიმდინარეობს. ორივე მხარის სარგებელი ცხადია: გაერთიანებულ მოლდოვას ეხსნება გზა ევროკავშირისკენ, ხოლო ტირასპოლი ეკონომიკურ ბონუსებს იღებს. ამასთან ერთად რუსული მხარის სარგებელი საკმაოდ ბუნდოვანია. ცხადია მხოლოდ ის. რომ ევროპული უსაფრთხოების გამყარების მედვედევის ინიციატივებს მწვანე შუქს მისცემენ.

"მოსკოვისთვის იმის დემონსტრირება მოხდება, რომ მას უსმენენ და ანგარიშს უწევენ" -Aაცხადებს ალექსანდრე რარი.

აღსანიშნავია, რომ ევროკავშირი დნესტრისპირეთის პრობლემის მოგვარებაში უფრო აქტიურ ჩართვას აპირებს. რამდენიმე დღის წინ მოლდოვაში ევროკავშირსი სპეციალურმა წარმომადგენელმა კალმან მიჟეიმ ეუთოს მუდმივმოქმედი საბჭოს სხდომაზე განაცხადა, რომ აუცილებელია რუსეთმა დნესტრისპირეთში თავისი სამშვიდობო ოპერაცია დაასრულოს.

"აქ, გერმანიაში დარწმუნებულნი არიან, რომ მოლდოვეთისა და დნესტრისპირეთის ბედი რუმინეთმა კი არ უნდა განიხილოს რუსეთთან, არამედ ევროკავშირმა უნდა განიხილოს რუსეთთან. მით უფრო, რომ ეს ევროპული უსაფრთხოების საკითხია. მისი გადაწყვეტის შემთხვევაში იგი გულისხმობს დნესტრისპირეთიდან რუსული ჯარის გაყვანას. იმავე რუმინეთის წინაშე კი დაყენებული იქნება საკითხი ჩვეულებრივი შეიარაღებს ნაწილის თავიდან მოცილების შესახებ. აი მაშინ, რუსეთთან შესაძლებელი იქნებოდა ამ თემის განხილვა. დღეს კი რუსეთი აღიქმება როგორც მხარე, რომელიც დგას დნესტრისპირეთში და აფერხებს დარეგულირებას", _ მიიჩნევს გერმანელი ექსპერტი.
კიევის პოლიტიკური ანალიზისა და საერთაშორისო კვლევების ინსტიტუტის დირექტორი სერგეი ტოლსტოვი გამოთქვამს მოსაზრებას, რომ დნესტრისპირეთში შესაძლოა ევროკავშირის სწრაფი რეაგირების ძალები შეიყვანონ. ეს იქნება იმის მაუწყებელი, რომ რუს სამხედროებს პოლიციური ტიპის მისიად გადააკეთებენ - იმის მსგავსად, რომელიც ამჟამად ბოსნიაშია და რომელიც კოსოვოში უნდა განთავსებულიყო.

ამავე დროს, დნესტრისპირეთის საგარეო საქმეთა მინისტრი ვალდიმერ იასტრებჩაკი უარყოფს გავრცელებულ ინფორმაციას, დნესტრისპირეთიდან რუსული ჯარის სრული გაყვანის პერსპექტივის შესახებ. მისი თქმით, საუბარი შეიძლება მიმდინარეობს სამშვიდობო მისიის ტრანსფორმაციაზე, მაგრამ არა მის დაშლაზე. მინისტრი ასევე აცხადებს, რომ "არავითარი კონკრეტული წინადადება ამ საკითხთან დაკავშირებით არც ევროკავშირიდან და არც აშშ-დან არ შემოსულა".

ეუთოში რუსეთის მუდმივი წარმომადგენელი ანვარას აზიმოვი. ასევე გამოთქვამს შეშფოთებას დნესტრისპირეთიდან რუსული ჯარის შესაძლო გაყვანასთან დაკავშირებით და აცხადებს, რომ რუსეთის ჯარის იქიდან გაყვანა შეუძლებელია, რადგან ყოველივე ეს კონფლიქტში ჩართულ მხარეებს შორის ხელახალ დაპირისპირებამდე მივა.

შეგახსენებთ, რომ საბჭოთა კავშირის დაშლამდე მცირე ხნით ადრე 1990 წლის 2 სექტემბერს, დნესტრის მარცხენა სანაპიროზე მდებარე მოლდოვის ხუთმა რაიონმა საბჭოთა კავშირის შემადგენლობაში დნესტრისპირეთის საკავშირო რესპუბლიკის შექმნის შესახებ გამოაცხადა. ამის შემდეგ, დნესტრისპირეთის მოლდავეთის რესპუბლიკამ დამოუკიდებლობა გამოაცხადა და თავის ცენტრად ტირასპოლი აღიარა. მოლდოვის ხელისუფლებამ კონფლიქტის გადაწყვეტა მოინდომა და დნესტრისპირეთში ჯარი შეიყვანა. 1992 წელს დნესტრისპირეტში შეიარაღებული კონფლიქტი დაიწყო, რომელიც რამდენიმე თვეს გაგრძელდა. შედეგად დნესტრისპირეთი გახდა ტერიტორია, რომელსაც კიშინოვი ვერ აკონტროლებს. ამჟამად იქ შერეული სამშვიდობო ძალები დგას, რომლის შემადგენლობაში შედიან - რუსული, მოლდოვური და დნესტრისპირეთის კონტიგენტები. იქ ასევე არიან უკრაინელი სამხედრო დამკვირვებლები.