ჯანმრთელობის მსოფლიო ორგანიზაცია აცხადებს, რომ შეისწავლის იმ პაციენტების სამედიცინო ისტორიებს, რომელთაც კორონავირუსის დამარცხების შემდეგ, ორგანიზშმი კვლავ აღმოაჩნდათ ვირუსული ინფექცია.
ორგანიზაციის განცხადებით, მნიშვნელოვანია შესწავლილ იქნას პაციენტების ნიმუშების შეგროვების ყველა პროცედურა თუ რა რამდენად სწორად წარიმართა ის.
მანამდე გავრცელდა ინფორმაცია, რომ სამხრეთ კორეაში კორონავირუსისგან განკურნებული 91 პაციენტი ვირუსით კვლავ დაინფიცირდა.
სამხრეთ კორეის დაავადებათა კონტროლის ცენტრის ცნობით, ვითარების შესასწავლად იმ ქალაქში, სადაც შემთხვევები დაფიქსირდა, გაგზავნილია ეპიდემიოლოგების სპეციალური ჯგუფი.
როგორც სამხრეთ კორეის დაავადებათა კონტროლის ცენტრი ვარაუდობს, შესაძლებელია, ადამიანთა ორგანიზმში მოხდა ვირუსის განმეორებითი აქტივაცია და არა განმეორებით დაინფიცირება.
პაციენტებში ვირუსის ხელახალი რეციდივის შესახებ მანამდე ჩინელი ექიმებიც იუწყებოდნენ.
