იაპონიაში რუსეთის პრეზიდენტის მიერ კურილის კუნძულების მონახულების განზრახვის განხილვა კვლავ დღის წესრიგში დგას. გარდა იმისა, რომ იაპონია ამასთან დაკავშირებით თავის უკმაყოფილებას არ მალავს, ამ ქვეყნის მთავრობა ჯერ კიდევ იმედს იტოვებს, რომ მედვედევის ვიზიტი კუნძულებზე არ შედგება, მით უფრო, რომ ამ ქვეყანამ უკვე გააფრთხილა რუსეთის პრეზიდენტი და პირდაპირ უთხრა, მას რომ მის მიერ კურილის კუნძულების მონახულება, რომლებსაც იაპონია თავის, ხოლო რუსეთი თავის საკუთრებად მიიჩნევს არასასურველია და ამ მოგზაურობამ შესაძლოა რუსეთ-იაპონიის ურთიერთობები დაძაბოს.
"დღეისათვის არაფერია ცნობილი, რუსეთის პრეზიდენტის მიერ კუნძულების მონახულების გეგმის შესახებ. ნებისმიერ შემთხვევაში ამ მოგზაურობასთან დაკავშირებით, ჩვენს აზრს რუსულ მხარეს გავაგებინებთ. მიმაჩნია მნიშვნელოვნად ამ საკითხთან დაკავშირებით რუსეთთან მოლაპარაკებების გაგრძელება", _ განაცხადა იაპონიის პრემიერ-მინისტრმა იაპონიის პარლამენტში მედვედევის ვიზიტთან დაკავშირებული საკითხის განხილვის დროს.
შეგახსენებთ, რომ 29 სექტემბერს რუსეთის პრეზიდენტმა დიმიტრი მედვედევმა იაპონიის გაფრთხილების მიუხედავად, განაცხადა, რომ კურილის კუნძულების მონახულებას აუცილებლად აპირებს, როგორც კი მას ამინდი ამის საშუალებას მისცემს. ამას გარდა რუსეთის პრეზიდენტმა კურილებს "რუსეთისათვის უმნიშვნელოვანესი რეგიონი" უწოდა.
აღსანიშნავია, რომ აქამდე კურილის კუნძულებზე რუსეთის ხელისუფლების არც ერთი უმაღლესი პირი არ ჩასულა.