23-24 სექტემბერს კიევში "საქართველოს ბანკის" შვილობილის, "ბი ჯი კაპიტალის" ორგანიზებით, გრანდიოზული კონფერენცია Catching the B.U.G.: Ukraine & Beyond " გაიმართება, რომელშიც მონაწილეობას 100-მდე საინვესტიციო ფონდი მიიღებს.
"ბი ჯი კაპილატის" ინფორმაციით, კონფერენციაში ქართული კომპანიებიც მიიღებენ მონაწილეობას. უკვე ცნობილია, რომ კიევში დაგეგმილ კონფერენციაში მონაწილეობას მიიღებენ "საქართველოს ბანკი", "ლიბერთი ბანკი", "საქართველოს ინდუსტრიული ჯგუფი" და სხვა წამყვანი ქართული კომპანიები.
კონფერენციის დღის წესრიგის მიხედვით უშუალოდ კონფერენცია 23 სექტემბერს გაიმართება, ხოლო 24 სექტემბერს კომპანიებს სურვილისამბერ შესაძლებლობა ექნებათ საქართველოში გადმოფრინდნენ და ადგილზე გაეცნონ საქართველოს საინვესტიციო გარემოს და შეხვდნენ სხვა ქართული კომპანიების წარმომადგენლებს.
დაგეგმილია ასევე მათი შეხვედრა მთავრობის წევრებთან.
კიევში დაგეგმილ კონფერენციაში მონაწლეობას საქართველოს ეკონომიკისა მდგრადი განვითარერების მინისტრი პირველი მოადგილე არჩილ კეკელიაც მიიღებს.
შეგახსენებთ, რომ "ბი ჯი პაპიტალი" არის საქართველოს ბანკის ჯგუფში შემავალი საინვესტიციო ბანკი, რომელიც ოპერირებს საქართველოში, უკრაინასა და ბელორუსში.
საქართველოს ბანკის ფინანსურ ჯგუფში ინტეგრაციის შედეგად, რომელიც წარმოდგენილია სამი კომერცკული ბანკით საქართველოში, უკრაინასა და ბელორუსში "ბი ჯი კაპიტალის" კლიენტებს სთავაზობს კომპლექსურ მომსახურეობას "ერთი ფანჯრის" პრინციპით. "ბი ჯი კაპიტალი" არის ერთადერთი საინვესტიციო ბანკი განვითარებად ბაზარზე, რომელიც ყოველკვარტლურად აქვეყნებს ფინანსურ შედეგებს IFRS სტანდარტებით.