მალაიზიაში უკანასკნელი მამრობითი სუმატრული მარტორქა მოკვდა. ინფორმაცია ცხოველთა უფლების დამცველმა ორგანიზაციამ გაავრცელა.
სუმატრული მარტორქა (Sumatran Rhinos) ყველაზე პატარაა მარტორქებში, მაგრამ ძუძუმწოვრებში საკმაოდ დიდია. აფრიკელი ნათესავების მსგავსად მასაც ორი რქა გააჩნია. უფრო დიდია წინა რქა, ხოლო მეორე ძალზე პატარაა. შემოსილია მოწითალო-მოყავისფრო ფერის ბეწვით.
სუმატრული მარტორქის დაცვის საერთაშორისო ფონდის მტკიცებით, მსოფლიოში მხოლოდ 80 სუმატრული მარტორქაა დარჩენილი და ფაქტობრივად, ეს სახეობა გადაშენების პირასაა მისული.
