კომპანია "ნატახტარმა" ლუდი, 1,5 ლიტრიანი შეფუთვითაც გამოიტანა. როგორც სააგენტო "ჯი-ეიჩ-ენს" კომპანიიდან აცნობეს, "ნატახტარი" ლუდის მოყვარულებს სასიამოვნო სიახლეს სთავაზობს. ლუდი „ნატახტარი კასრის" 15 სექტემბრიდან, უკვე 1,5 ლიტრიანი შეფუთვით არის ხელმისაწვდომი.
ლიდუს შემადგენლობა: ალაო, სვია, წყალი, საწყისი ექსტრატი 13%, ალკოჰოლის მოცულობის წილი 5.2%, ენერგეტიკული ღირებულება 44კკალ/100გრ.
შეგახსენებთ, რომ 2005 წლის სექტემბერში, სს „ლომისმა" ლუდსახარში „ნატახტარის" საწარმო უპრეცენდენტო ინვესტიციების მოზიდვის შედეგად ააშენა.
მენეჯმენტის ინფორმაციით, სოფლის დედაქალაქთან სიახლოვე და ნატახტრის წყლის უნიკალური თვისებები შესანიშნავ პირობებს ქმნიდა წარმატებული საწარმოს შესაქმნელად. 2008 წელს ლუდსახარშის საქმიანობით დაინტერესდა, კომპანია "ეფესი", მან ლუდსახარშის 100%-იანი წილი შეიძინა.
"ეფესი" მსოფლიოში ლუდის მწარმოებელი ერთ-ერთი უმსხვილესი კომპანიაა, აქიდან გამომდინარე მენეჯმენტი დიდ ყურადღებას აქცევს საერთაშორისო სტანდარტების დანერგვას და ხარისხის მართვას. ხორციელდება ინვესტიციები საწარმოო ხაზებსა და ლაბორატორიის უახლესი დანადგარებით აღჭურვისათვის.
დღესდღეობით კომპანია „ნატახტარი" ქართული ლუდის ბაზრის 60%-მდე წილის მფლობელია. იგი მომხმარებელს სთავაზობს ლუდის სამ ბრენდს („ნატახტარი", „3D" [ტრიდე] და „ეფესი"), სამ ქვებრენდს („ნატახტარი კასრის", „ნატახტარი ქარვა" და „ნატახტარი ექსტრა") და შვიდი დასახელების ლიმონათს.
პროდუქციის მიკრობიოლოგიური და ჰიგიენური უსაფრთხოების სრული გარანტია უახლოესი აპარატურით აღჭურვილი ლაბორატორიაა. საწარმოში ტარა იონიზირებული ჰაერით და ულტრაიისფერი სხივების საშუალებით სუფთავდება. პოლიეთილენის ბოთლები იფარება დამცავი გარსით, რაც პროდუქციის საშიში მინარევებისაგან დაცვას და შენახვის ხანგრძლივობას განაპირობებს. პროდუქციის ხარისხს კი უნიკალური თვისებებით გამორჩეული ნედლეული და ტექნიკური პერსონალის დახვეწილი ოსტატობა უზრუნველყოფს.
2008 წლიდან კომპანია "ნატახტარი" გახდა საქართველოს ფეხბურთის ფედერაციისა და რაგბის კავშირის ოფიციალური სპონსორი
