ქვეყნის საბანკო სექტორი, რომელიც ჯერ კიდევ არ არის საკმარისად გაჯერებული, ანაბრების მოცულობის ზრდასთან ერთად ნელ-ნელა ძლიერდება;
სს "ბი ჯი კაპიტალის" ინფორმაციით, ამასთანავე, მთლიანი უმოქმედო სესხების მოცულობამ რეკორდული 19%-დან (2009 წლის შუა პერიოდი) 16%-მდე დაიკლო. აღსანიშნავია, რომ საბანკო სექტორის მდგომარეობის გაუმჯობესებამ ხელი შეუწყო სესხების გაცემის ზრდას, რომელთა საერთო მოცულობა 2010 წლის ივლისის ბოლოსათვის 5%-ით გაიზარდა (გაცვლითი კურსის ზეგავლენის გათვალისწინების გარეშე).
"ჩვენი ვარაუდით, გაცემული სესხების მთლიანი მოცულობა 2010 წელს, ვალუტის გაცვლითი კურსის ეფექტების გათვალისწინებით, 13%-ით გაიზრდება (ლარებში 23%-ით) და ზრდის აღნიშნული ტენდენცია მომდევნო წელსაც იქნება შენარჩუნებული", _ ნთქვამია სს "ბი ჯი კაპიტალის" მიერ გამოქვეყნებულ მომოხილვაში.