ავიაკომპანია "ავსტრიის ავიახაზები" საქართველოს ტოვებს. როგორც "ჯი-ეიჩ-ენს" ავიაკომპანიაში განუცხადეს, მარშრუტის შეწყვეტის მიზეზი კომერციულ მხარეა. "კომერციული შედეგები არ იყო დამაკმაყოფილებელი ავსტრიის ავიახაზებისთვის", - ნათქვამია ავსტრიის ავიახაზების განცხადებაში.
მათივე ინფორმაციით, ბოლო რეისი თბილისიდან ვენის მიმართულებით მიმდინარე წლის 30 ოქტომბერს შესრულდება. მარშრუტისAშეწყვეტის მიზეზად კომპანიაში მის კომერციულ მხარეს ასახელებენ.
ავიაკომპანია მგზავრებს რომელთაც აქვთ ჯავშანი ავსტრიის ავიახაზებზე 2010 წლის ნემბრიდან თბილისისკენ, მოუწოდებს გადაჯავშნონ სხვა ავიაკომპანიის რეისებზე.
იმავაე განცხადების მიხედვით, ავსტრიის ავიახაზები მომავალშიც მხარს დაუჭერს საქართველოს ეკონომიკურ აღმავლობას და მომავალში ფრენების აღდგენის იმედს იტოვებს.
"ავსტრიის ავიახაზები ყოველთვის კომფორტულად გრძნობდა თავს საქართველოში და შეეცადა თვით რთულ პერიოდშიც კი შეეთავაზებინა საიმედო კავშირი საქართველოსა და მსოფლიოს შორის. ავსტრიის ავიახაზებს სურვილი აქვს მომავალშიც მხარი დაუჭიროს საქართველოს ეკონომიკურ აღმავლობას და ამიტომ მომავალში ფრენების აღდგენის იმედს იტოვებს", - "განუცხადეს "ჯი-ეიჩ-ენს" კომპანიაში.
მათივე ინფორმაციით, ამიერიდან რეზერვაციის სისტემაში ფრენები შემდეგნაირად იქნება გამოსახული: 2010 წლის 16 სექტემბრიდან შეუძლებელი იქნება ჯავშნის გაკეთება დაწყებული 2010 წლის ნოემბრიდან პერიოდისათვის. 2010 წლის 20 სექტემბრიდან 2010 წლის ნოემბრის შემდგომი ფრენები ამოიშლება სისტემიდან. ავსტრიის ავიახაზების ეს რეისები თბილისიდან და თბილისისკენ აღარ იქნება ნაჩვენები.
ცნობისათვის, ავსტრიის ავიახაზები ამჟამად დაფრინავს კვირაში ოთხჯერ თბილისიდან ვენის მიმართულებით, ეს მარშრუტი მოქმედებს 1998 წლის 5 მაისიდან.
