მეორე დღეა მთავრობა და ბიზნესი ახალ საგადასახადო კოდექსზე ანაკლიაში მსჯელებენ. როგორც ფინანსთა მინისტრმა კახა ბაინდურაშვილმა განაცხადა, ანაკლიში ბიზნესთან ერთად ახალი საგადასახადო კოდექსიდან გამომდიანრე ქვენორამატიულ აქტებზე იმსჯელებს.
მინისტრის თქმით, ამ შეხვედრაზე დასწრების სურვილი დიდია, თუმცა სასტუმროში მხოლოდ 45 ადგილია და შესაბამისად შეხვედრაზე მოხვედრა შეზღუდული იქნება.
"ეს არ იქნება მხოლოდ ბიზნესსა და მთავრობას შორის დაგეგმილი შეხვედრა ეს უფრო არის ექსპერტული შეხვედრა რათა ვიმსჯელოთ იმ ქვენორმატიულ აქტებზე, რაც საგადასახადო კოდექსიდან გამომდინარეობს", _ განაცხადა ბაინდურაშვილმა.
იმავდროულად ფინანსთა მინისტრა მზადყოფნა გამოთქვა, რომ სახელმწიფოს ხარჯზე ბიზნესმენებისთვის გარკვეული სახის ტრენინგები გაიმართოს, რათა მათ ახალ რეჟიმზე გადასვლა გაუადვილდეთ.
"ზოგიერთი ნორმატიული აქტი შეიძლება უფრო მნიშვნელოვანი იყოს, ვიდრე - კანონი და ამიტომ ამ საკითხებზე სერიოზული მსჯელობა და სერიოზული გადაწყვეტილებები უნდა იყოს მიღებული", _ აცხადებს ბაინდურაშვილი.
საფინანსო-საბიუჯეტო კომიტეტის თავმჯდომარის ზურაბ მელიქიშვილის განმარტებით, ბიზნესთან ერთად აქტიური თანამშრომლობით სამუშაო კიდევ ბევრია და გარკვეული საკითხები ისევ განსახილველი და შესაჯერებელია.