საქართველოს ძიუდოს ეროვნული ნაკრების მთავარი მწვრთნელი ამირან ტოტიკაშვილი თანამდებობიდან გადადგა. მასთან ერთად თანამდებობიდან გადაყენებულია მთლიანად მწვრთნელთა კორპუსი. განცხადება ამის შესახებ საქართველოს სპორტისა და ახალგაზრდულ საქმეთა მინისტრმა ლადო ვარძელაშვილმა გააკეთა.
"მთავარმა მწვრთნელმაკარგი გადაწყვეტილება მიიღო, რომ თავად დაყენა საკითხი მისი თანამდებობიდან წასვლის შესახებ. ამაზე აღმასკომის სხდომაზე ვიმსჯელეთ და ზოგადად ყველა იმ პრობლემაზე ვიმსჯელეთ რაც არის დღეს ძიუდოს ფედერაციაში და ძიუდოში", _ განაცხადა ვარძელაშვილმა ზიუდოს არმასკომის სდომის დასრულების შემდეგ, რომელმაც მსოფლიო ჩემპიონატიდან ცირეკიძის მოხსნის საკითხი განიხილა და დასძინა, "პარალელურად ჩემი წინადადება იყო და სამინისტროს რეკომენდაცია და რომ მხოლოდ მთავარ მწვრთნელს არ უნდა გაეზიარებინა ეს პასუხისმგებლობა ინციდენტზე რომელიც მოხდა ცირეკიძესთან დაკავშირებით. აღმასკომის სხდომაზე განხილვის შედეგად მთლიანად მწვრთნელთა კორპუსი გადაყენებულ იქნა დაკავებული თანამდებობიდან".
მისივე თქმით, ორშაბათს, 20 სექტემბერს, საზოგადოებას წარედგინება ახალი მთავარი მწვრთნელის კანდიდატი. მინისტრი აცხადებს, რომ ეს არ იქნება უცხოელი მთავარი მწვრთნელი, იგი იქნება ქართველი.
"ორშაბათს ჩვენ წარვუდგენთ საზოგადოებას ახალი მთავარი მწვრთნელს კანდიდატს იმიტომ რომ დრო არ გვაქვს, ორი გუნდური შეჯიბრი გველოდება კიდევ წელს და აქედან გამომდინარე ახალ მწვრთნელს სჭირდება დრო ნაკრების მოსამზადებლად", _ აცხადებს ვარძელაშვილი და დასძენს, რომ უახლოეს მომავალში სპორტისა და ახალგაზრდულ საქმეთა სამინისტრო ჩამოაყალიბებს და წარადგენს ახალ სტანდარტებს ყველა იმ ფუნქცია-მოვალეობისა რომლებიც სპორტსმენებსა და მწვრთნელებს ეხება.
"ყველას ეცოდინება თავისი ფუნქცია და თავისი მოვალეობა და ამას აღმასკომი დაამტკიცებს. ამით ვიხელმძღვანელებთ და ამის დარღვევის შემთხვევაში პასუხისმგებლობას გაიზიარებს ყველა", _ აცხადებს მინისტრი.
ამას გარდა, მინისტრმა კომენტარი ირაკლი ცირეკიძეზეც გააკეთა და განაცხადა: "რაც შეეხება ცირეკიძე იქნება ეს გუჯეჯიანი თუ კედელაშვილი თუ ნებისმიერი სხვა სპორტსმენი, მიუხედავად ჩემი ღრმა პატივისცემისა მათდამი, თუ სათანადოდ მოემზადებიან ყველანი ისინი იქნებიან ეროვნულ ნაკრებში. ეს უნდა იყოს მაგალითი ყველა ფედერაციისათვის. ყველა სპორტის სახეობის ფედერაცია ჩვენ ანალოგიური მოთხოვნები გვექნება", _ განაცხადა ლადო ვარძელაშვილმა.