საქათმეში შეპარულ მელას ქათმები ჯგუფურად თავს დაესხნენ და მოკლეს. ეს უცნაური შემთხვევა საფრანგეთის ჩრდილო დასავლეთ რეგიონში, ბრეტანში მოხდა. ქათმების ფერმაში, სადაც კარი ავტომატურად იხურება, მელა შეიპარა. როგორც ფერმის მენეჯერი აღნიშნავს, მელას 3000 ქათამი დაესხა თავს. შედეგად ცხოველი გარდაიცვალა.
„ჯოგური პრინციპით დაესხნენ თავს, ყველა ნისკარტს ურტყამდა“, - განაცხადა მთავარმა ფერმერმა პასკალ დანიელმა
სააგენტო "ფრანსპრესის" ინფორმაციით მელა ზურგზე, მუცელსა და თავზე უკიდურესად იყო დასახიჩრებული. მათივე ინფორმაციით ფერმა 6000 ქათამს იტევს და ქათმები, საბედისწერო ინცინდენტის შემდეგ, დღეს ეზოში ბედნიერად ატარებენ.
