მისგან განსხვავებით, კაპოტზე უამრავ პროექტზე გვაქვს ხელი მოწერილი და მნიშვნელოვანი გადაწყვეტილება გვაქვს მიღებული, - ამის შესახებ თიანეთის მერმა თამარ მეჭიაურმა საპარლამენტო უმრავლესობის წევრის ზაქარია ქუცნაშვილის დღევანდელ განცხადებასთან დაკავშირებით აღნიშნა.
მისი თქმით, სჯობს, რომ ქუცნაშვილმა არ ისარგებლოს ბოროტად სხვისი ტრაგედიით და ყველაფერი სხვას არ გადააბრალოს, მით უფრო, რომ იმ არეალში, სადაც მისივე თქმით, ის დეპუტატად წოდებულია, არც თუ ისე დიდი ხნის წინ "ამერიკელების ოჯახი ამოწყვიტეს".
"ამ სულიერმა ჩათვალა, რომ რადგანაც ღორის წელიწადია მას ყველაფერი ეპატიება, რადგანაც ქუცუნას ეძახიან. ჰოდა, ალბათ ასეც არის, მაგრამ დაავიწყდა, რომ ღორის წელია რომაა, ტახის წელიწადია და არა მისნაირი გოჭების. აქედან გამომდინარე სჯობს, რომ არ ისარგებლოს ბოროტად სხვისი ტრაგედიით და ყველაფერი სხვას არ გადააბრალოს, მით უფრო, რომ იმ არეალში, სადაც ის დეპუტატად წოდებულია, არც თუ ისე დიდი ხნის წინ ამერიკელების ოჯახი ამოწყვიტეს და მე მგონი უზნეობა იქნებოდა ჩემი მხრიდან, რომ მისთვის დამებრალებინა ეს ყველაფერი. გაკოტრებულია როგორც პოლიტიკოსი და ახლა ასეთი რაღაცეებითუნდა მიიპყროს ყურადღება. ჯერ დაბორიალობს პოლიტიკურ სივრცეში ისე, რომ ვერ გაურკვევია, სად არის. კაპოტზე მაშინაც მქონია და მომავალშიც, თუ ექიმები დამრთავენ ნებას, საერთოდ, კაი ხანია აკრძალული მაქვს, 50 გრამზე მეტ კონიაკს ვერ ვსვამ. მის ჯინაზე კიდევაც გავშლი. მისგან განსხვავებით, კაპოტზე უამრავ პროექტზე გვაქვს ხელი მოწერილი და მნიშვნელოვანი გადაწყვეტილება გვაქვს მიღებული. ასე რომ, მისნაირი კაცუნების გადასაწყვეტი არ არის, მე რას გავაკეთებ", - განაცხადა მეჭიაურმა.
ცნობისთვის, ზაქარია ქუცნაშვილმა დღეს განაცხადა, რომ თამაზ მეჭიაური კაპოტზე ქეიფით მავნე ზეგავლენას ახდენს საზოგადოებაზე.
