შინაგან საქმეთა სამინისტროს ინფორმაციით, თბილისში, უკრაინის შვიდი მოქალაქე ცეცხლსასროლი იარაღის და ფეთქებადი ნივთიერების შეძენა-შენახვისთვის დააკავეს.
უწყების ინფორმაციით, მათი დაკავება ლიხაურის ქუჩაზე მოხდა.
„თბილისში, ლიხაურის ქუჩაზე დაკავებულია უკრაინის შვიდი მოქალაქე სისხლის სამართლის კოდექსის 236-ე მუხლის მე-3 და მე-6 ნაწილებით, რა ჯგუფურად ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვას გულისხმობს“,- აღნიშნავენ უწყებაში.
ცნობისთვის, რუსთავი 2-ის ინფორმაციით, დაკავებულთა შორის სავარაუდოდ, დონბასში მებრძოლი ქართველი სამხედრო ლუკა ჩხეტიაც არის, რომელიც თბილისში დღეს გაერთიანებული ოპოზიციის აქციაზე დასასწრებად ჩამოვიდა.
