საგარეო საქმეთა მინისტრის მოადგილე დავით ჯალაღანია საერთაშორისო სატრანსპორტო კავშირის (IRU) დელეგაციას შეხვდა, რომელსაც ხელმძღვანელობდა IRU-ს გენერალური მდივნის სპეციალური წარმომადგენელი, ჯგუფის ლიდერი და თIღ დეპარტამენტის უფროსი მურატბეკ აზიმბაკიევი.
შეხვედრას ასევე ესწრებოდნენ საქართველოს საერთაშორისო სატრანსპორტო გადამზიდავთა ასოციაციის (GIRCA) ხელმძღვანელი პირები.
მხარეებმა ხაზი გაუსვეს IRU-სა და საქართველოს მთავრობას შორის, 2010 წლის 21 ივნისს ხელმოწერილი ურთიერთგაგების მემორანდუმის მნიშვნელობას. ზემოაღნიშნული მემორანდუმი ითვალისწინებს საქართველოს გავლით, აზიისა და ევროპის სატრანსპორტო დერეფნის შემდგომ განვითარებას.
შეხვედრაზე ასევე განიხილეს საგზაო ტრანსპორტის სფეროში თანამშრომლობის პრიორიტეტული მიმართულებები და ისაუბრეს მომავალი პროექტების განხორციელების მნიშვნელობაზე.
