24 თებერვალს, რუსეთის სრულმასშტაბიანი შეჭრის მეოთხე წლისთავზე, კანადის მთავრობამ უკრაინას 2 მილიარდი კანადური დოლარის (1.4 მილიარდი აშშ დოლარის) ოდენობის სამხედრო დახმარების პაკეტი გამოუყო რუსეთის წინააღმდეგ ახალი სანქციები დააწესა, მათ შორისაა „ჩრდილოვანი ფლოტი“ და რუსული ნავთობის ფასის ზედა ზღვარის შემცირება.
ამის შესახებ კანადის მთავრობის განცხადებაშია ნათქვამი.
როგორც განცხადებაშია აღნიშნული, 1.4 მილიარდი აშშ დოლარის ოდენობის სამხედრო დახმარება, რომელიც გათვლილია 2026-2027 ფისკალური წლებისთვის, ხელს შეუწყობს უკრაინის შეიარაღებული ძალების აღჭურვას საჭირო აღჭურვილობითა და შესაძლებლობებით მისი ტერიტორიის დასაცავად.
გარდა ამისა, კანადა უკრაინას 400-ზე მეტ ჯავშანმანქანას მიაწვდის, მათ შორის General Dynamics-ის მე-6 კლასის 66 მსუბუქ ჯავშანმანქანას და Roshel Senator-ის 383 ჯავშანმანქანას.
