ოკუპირებული სამხრეთ ოსეთის სეპარატისტული მთავრობის მეთაურის გარემოცვამ ედუარდ კოკოითის წინააღმდეგ რუსეთის გენპროკურატურაში საჩივარი შეიტანა. სეპარატისტულ რესპუბლიკაში მომუშავე რუსმა სპეციალისტებმა ედუარდ კოკოითი და მისი გარემოცვა კორუფციაში დაადანაშაულეს და გენპროკურატურაში შესაბამისი მასალებიც გადაგზავნეს.
ე.წ. სამხრეთ ოსეთში საცხოვრებელი სახლების აღდგენაზე მომუშავე სამშენებლო კომპანიის ექსდირექტორ ისმაგილ კარიმოვის განცხადებით, მასალები სამხრეთ ოსეთის ხელმძღვანელობის დანაშაულებრივ საქმიანობას ეხება.
რუსი სპეციალისტები ედურად კოკოითისა და მის გარემოცვას მოსკოვიდან მიღებული თანხების არასწორად განაწილებასა და თანხების მითვისებისთვის კორუფციული სქემების შექმნაში ადანაშაულებენ.
ლუდის ქარხანა "ალუტონის" დირექტორი რუსლან შარიპოვი აცხადებს, რომ მას შემდეგ, რაც ლენინგორის რაიონში ლუდის ქარხნანა აღადგინა და ქარხნის პროდუქციამ სამხრეთ ოსეთის ბაზრის 70% დაფარა, მასზე და მისი გუნდის წევრებზე, მორალურის გარდა, ფუზიკური ზეწოლის განხორცილებაც დაიწყეს.
