ჩემთვის, ისევე, როგორც დანარჩენი ყოფილი წევრებისთვის, პოლიტსაბჭოს წევრობა თვითმიზანი არ ყოფილა დღეს და არც მომავალში იქნება, - ამის შესახებ პარტია „ქართული ოცნების“ წევრმა აკაკი ზოიძემ განაცხადა.
მისი თქმით, პოლიტიკური საბჭოს დღევანდელ სხდომაზე შეთანხმდნენ, რომ პარტიის პოლიტსაბჭოში უნდა იყოს აღმასრულებელი მდივნები, სპიკერატი პარლამენტიდან და ფრაქციის წარმომადგენლები.
„პირველ რიგში, პოლიტსაბჭო განსაზღვრავს პარტიის კურსს, სტრატეგიულ კურსს და ამას აკეთებს პარტიის თავმჯდომარე. პარტიის თავმჯდომარისთვის ყველაზე მოქნილი სტრუქტურა უნდა შექმნილიყო და ამიტომ, შემცირდა პოლიტსაბჭოს წევრების რაოდენობა 15-მდე. ეს არის ის, რაზეც შევთანხმდით და არანაირი პიროვნული დისკუსიები ამ საკითხზე არ ყოფილა“, – განაცხადა აკაკი ზოიძემ.
ცნობისთვის, "ქართული ოცნების" გენერალური მდივნის კახა კალაძის განცხადებით, პოლიტსაბჭოს რამდენიმე ახალი წევრები ეყოლება.
