„ჯერჯერობით, სამივე პაციენტი აპარატზეა, ორის მდგომარეობა გაუმჯობესებულია, მესამე პაცინეტის მდგომარეობა კი, რომელიც 23 წლის მამაკაცია, კვლავ უკიდურესად მძიმეა“, - განუცხადა „ჯი-ეიჩ-ენს“ ალადაშვილის სახელობის კლინიკის ხელმძღვანელმა, ლევან რატიანმა.
როგორც ექიმი განმარტავს, მათთან კლინიკაში გაურკვეველი ნივთიერებით ინტოქსიკაციით, სულ 10 პაციენტი მოთავსდა, ყველა მათგანს ინდეტური ჩივილები ჰქონდა.
„ჩვენს კლინიკაში სულ 10 პაციენტი შემოიყვანეს, აქედან 7 გაეწერა, 3 პაციენტი კი რჩება. შემოსულ ყველა პაციენტს იდენტური ნიშნები ჰქონდა: ცნობიერების დათრგუნვა, სუნთქვის მწვავე უკმარისობა და ა.შ.
დაუდგენელ, უცნობ ნივთიერებას ტოქსიური ეფექტი აქვს. ვერ გეტყვით, ნარკოტიკი სინთეზუირია, ბუნებრივია თუ სხვა რამაა. სამწუხაროდ, ეს ნივთიერება, რაც არის, ძალიან ცუდი შხამია, რომელიც ყველა ორგანოს დისფუნქციას იწვევს. ამ ყველაფერს სამხარაულის დასკვნა სჭირდება, რომელიც იტყვის, თუ რა ბუნების ნივთიერებაა“, - აცხადებს რატიანი.
არსებული ინფორმაციით, გაურკვეველი სახეობის ნარკოტიკისგან ბოლო ერთი კვირის განმავლობაში ორი ახალგაზრდა გარდაიცვალა, 10-ზე მეტი კი მოწამლულია.