საპარლამენტო უმრავლესობის წევრი სოფიო კილაძე ადასტურებს ინფორმაციას, რომ პოლიტიკური საბჭოს წევრების შემცირება იგეგმება, თუმცა მისი თქმით, ამ გადაწყვეტილებებს ყრილობა მიიღებს.
„პოლიტსაბჭოსთან დაკავშირებით გადაწყვეტილებას მიიღებს ყრილობა, თავიდან ბოლომდე. საბოლოო სიტყვა ყრილობას ეკუთვნის და აქედან ყრილობამ უნდა გადაწყვიტოს პოლიტსაბჭოს შემადგენლობაც, იმიტომ, რომ „ქართული ოცნება“, არის დემოკრატიული პარტია. შემცირება იგეგმება“, - განაცხადა სოფიო კილაძემ.
"ქართული ოცნების" პოლიტასაბჭოს სხდომა იწყება. სხდომას, პარტიის მომავალი თავმჯდომარე ბიძინა ივანიშვილიც ესწრება.
