მე ვაპირებ დავტოვო პოლიტიკური საბჭო, პრობლემა არ არის, თუ ბიძინა ივანიშვილი მეტყვის, - ამის შესახებ პარტია „ქართული ოცნება-დემოკრატიული საქართველოს“ წევრმა თემურ ჭკუასელმა განაცხადა.
მისი თქმით, ის დეპუტატია და ხალხთან უნდა ჰქონდეს ურთიერთობა.
„მე ვაპირებ დავტოვო პოლიტიკური საბჭო, პრობლემა არ არის, თუ ბიძინა ივანიშვილი მეტყვის. დაახლოებით ვიცი, რომ პოლიტიკურ საბჭოში იქნებიან პარტიის წევრები, მაგრამ არა დეპუტატები და არა მინისტრები. პოლიტსაბჭოს ეხება მხოლოდ პარტიის საკითხები. პარლამენტარს გაცილებით მეტი საქმე აქვს. მე დეპუტატი ვარ და ხალხთან უნდა მქონდეს ურთიერთობა. გადახალისება სჭირდება აბსოლუტურად ყველაფერს, მათ შორის პოლიტიკურ საბჭოს“, – განაცხადა ჭკუასელმა.