ბოლნისსა და დმნანისში „RMG Gold”-ის საქმიანობით დაბიძნურებული გარემო გავლენას ახდენს, ადამიანის ჯანმრთელობაზე - ფაქტობრივად ყველა ორგანოზე და სისტემაზე – სასუნთქ, ნერვულ, ჰემატოლოგიურ, საჭმლის მომნელებელ, გულ-სისხლძარღვთა, საშარდე, იმუნურ სისტემაზე, - ამის შესახებ „ჯი-ეიჩ-ენს“ ჯანდაცვის პოლიტიკის სპეციალისტმა, მედიცინის დოქტორმა, სერგო ჩიხლაძემ განუცხადა.
„განსაკუთრებით მავნე ზეგავლენას ისინი ახდენენ ბავშვებზე იწვევენ თავის ტვინის დაზიანებას, ჰიპერაქტიურობას, კითხვისა და მეტყველების უნარების დაქვეითებას, კოორდინაციის გაძნელებას, ქცევის პრობლემებს. აკადემიური მოსწრება იკლებს, ინტელექტის მაჩვენებლები უარესდება, ფიზიკური ზრდა და განვითარება ფერხდება. ბავშვის ფსიქიკურ და ფიზიკურ განვითარებას მცირე რაოდენობას ტყვიაც კი ვნებს, მით უმეტეს, ისეთი ჭარბი რაოდენობები რაც ამ რაიონების ნიადაგში და წყლებშია აღმოჩენილი. განსაკუთრებული აღნიშვნის ღირსია რა თქმა უნდა, სიმსივნური დაავადებების განვითარება ამ მეტალების ჭარბი ზემოქმედების შედეგად“, - აცხადებს ჩიხლაძე.