საქართველოს უზენაეს სასამართლოში ხორავას ქუჩაზე მოზარდებს შორის მომხდარი მკვლელობის საქმის განხილვა განახლდა. დღევანდელ პროცესზე სამედიცინო ექსპერტებს, გამომძიებელს და თვითმხილველ მოწმეს დაკითხავენ.
"დღევანდელ სასამართლო სხდომაზე გაგრძელდება ბრალდების მხარის მტკიცებულებების გამოკვლევა. კერძოდ, გაგრძელდება კომპლექსური ექსპერტიზის დასკვნის გამოკვლევა, რაც გულისხმობს იმას, რომ მასში მონაწილე ექსპერტი დაიკითხება. ექსპერტი სამედიცინო კუთხით ისაუბრებს დასკვნაში არსებულ ფაქტობრივ გარემოებებთან დაკავშირებით. გარდა ამისა, დაიკითხება ფაქტის თვითმხილველი მოწმე, ასევე დაიკითხება საქმის გამომძიებელი", - აცხადებს საქმის პროკურორი, ზვიად ფხაკაძე.
მისი განმარტებით, დაცის მხარეს ნივთმტკიცებები გამოსაკვლევად კვლავ არ წაუღია.
"ბრალდების მხარე კიდევ ერთხელ გამოთქვამს მზადყოფნას, რათა დაცვის მხარეს გადასცეს ის ნივთიერი მტკიცებულებები, რასაც ისინი ითხოვდნენ. თუმცა, მიუხედავად, ჩვენი პოზიციისა, დღემდე ვერ მოხერხდა დაცვის მხარისთვის ნივთიერი მტკიცებულებების გადაცემა, ჩვენგან გამოთხოვა და მასზე შესაბამისი საექსპერტო კვლევის ჩატარება", - აცხადებს ფხაკაძე.
ცნობისთვის, პირველ დეკემბერს, ხორავას ქუჩაზე მოზარდებს შორის სისხლიან გარჩევას, ორი არასრულწლოვნის სიცოცხლე ემსხვერპლა.