ჩვენ NDI-ის კვლევა არ გვაინტერესებს, ჩვენ გვაინტერესებს საზოგადოებრივი აზრი, – ამის შესახებ საქართველოს პარლამენტის ჯანდაცვის კომიტეტის თავმჯდომარე აკაკი ზოიძემ NDI-ის ახალ კვლევასთან დაკავშირებით განაცხადა.
მისი თქმით, სამწუხაროა, რომ იმ ნაწილს, რომელიც პოლიტიკურ პარტიებს ეხება, NDI-ის კვლევებმა აჩვენა, რომ არ არის ობიექტური.
„თუმცა დანარჩენი საკითხები არის ძალიან საყურადღებო, განსაკუთრებით ტენდენციების დანახვის თვალსაზრისით. რაც შეეხება პარლამენტისა და მთავრობის საქმიანობას, კიდევ უფრო გავაქტიურდებით და გავაუმჯობესებთ ჩვენ საქმიანობას. მოსახლეობაში მართლაც შეინიშნება გარკვეული დამოკიდებულება და მიგვაჩნია, რომ ამის გამოსწორება, საქმით შეიძლება”, – განაცხადა აკაკი ზოიძემ.
