სექტემბრიდან სავარაუდოდ, ფქვილის ფასი მოიმატებას, რაც მსოფლიო ბაზარზე ხორბლის გაძვირებასთანაა დაკავშირებული. ამის შესახებ "ჯი-ეიჩ-ენს" სოფლის მეურნეობის მინისტრმა ბაკურ კვეზერელმა განუცხადა.
მისი ინფორმაციით, მსოფლიო ბაზარზე ხორბლის ფასის ცვლილება საქართველოზეც აისახება, რადგანაც ქვეყანა ხორბლის იმპორტიორი ქვეყანაა.
მინისტრის განცხადებით, ხორბლის იმპორტთან დაკავშირებით საქართველო უკვე მოლაპარაკებას აწარმოებს აშშ-სთან, გერმანიასთან და ყახაზეთტან, რათა ადგილობრივ ბაზარზე ხორბალსა და ფქვილზე დეფიციტი არ შეიქმნას.
"აგვისტოში ფასები სტაბილური იქნება, ხოლო სექტმებრიდან მსოფლიო ბაზრაზე მარცვლეულის გაძვირების გამო ფასების კორექტირება მოხდება", _ განაცხადა "ჯი-ეიჩ-ენთან" საუბარში კვეზერელმა.
შეგახსენებთ, რომ ქართულ ბაზარზე ევროპული ხორბალი გამოჩნაზე განცხადება სააგენტო "ჯი-ეიჩ-ენთან: საუბნრისას სატრეიდინგო კომპანია "აგრიკომის" ხელმძღვანელმა კოკი ოსიპოვა რამოდენიმე დღის უკან გააკეტა.
მისივე ინფორმაციით, ტრეიდერები ხორბლის იმპორტთან დაკავშირებით გერმანულ და ფრანგულ მხარეებთან ინტენსიურ მოლაპარაკებებს აწარმოებენ.
"ამ ეტაპზე მოლაპარაკებების პროცესში ვართ და თუ აღმოჩნდა რომ ფრანგული და გერმანული ხორბალი ძვირი გვიჯდება, მაშინ ისევ ამერიკიდან შემოტანაზე ვიფიქრებთ"- განაცხადა კოკი ოსიპოვმა.
მისი განმარტებით, კრიზისის გამო რუსეთიდან ხორბლის შემოტანა კომპანიებისთვის მომგებიანი აღარ არის, მით უმეტეს რომ მწირი მოსავლის გამო რუსეთმა ხორბლის ფასის მომატება უკვე დაიწყო და ფოთში შემოტანილი განუბაჟებელი რუსული ხორბლის ღირებულება უკვე 260 დოლარია და მოუსავლიანობის გამო რუსეთი ფასს კიდევ გაზრდის. სტატისტუკური მონაცემების თანახმად, ქვეყანა წლის განმავლობაში 800 ათას ათას ტონა ხორბალს მოიხმარს, რომლის 15 %-იც ადგილზე იწარმოება. იმპორტირებული ხორბლის 95 %-ი რუსეთზე, ხოლო დანარჩენი 5 %-იც ყაზახეთზე და უკრაინაზე მოდის.
შეგახსენებთ, რომ ხორბლის მსოფლიო ფასები ბოლო 23 თვის მაქსიმუმამდე გაიზარდა, რისი მიზეზიც რუსეთში არსებული გვალვებია. ამ ციფრებმა კი, შესაძლოა, სასურსათო ინფლაცია გამოიწვიოს. ავსტრალიის ეროვნული ბანკის წარმომადგენლის მაიკლ პიტსის განცხადებით, ბაზარზე მცირე პანიკაც კი დაიწყო. წლის დასაწყისიდან ხორბალზე მსოფლიო ფასებმა უკვე 80%-ით მოიმატა.