ლიანა ჯოჯუამ შერეული საბრძოლო ხელოვნებების - ММА-ს - საჩემპიონო ქამარი მოიპოვა. ,,რადიო თავისუფლების“ ინფორმაციით, „მგლის“ მეტსახელით ცნობილი 22 წლის ქართველი მებრძოლი უმსუბუქეს წონით კატეგორიაში (61,2 კგ) 29 წლის რუს მარინა მოხნატკინას დაუპირისპირდა.
ამ ბრძოლამდე ჯოჯუას ММА-ს რინგზე შვიდი ბრძოლიდან ხუთი ჰქონდა მოგებული, მოხნატკინას კი იქამდე ჩატარებული ოთხივე შეხვედრა პირველსავე რაუნდში მოეგო. FIGHT NIGHTS GLOBAL-ის ეგიდით გამართულ ბრძოლას 22 თებერვალს მოსკოვმა უმასპინძლა. ხუთი რაუნდის შემდეგ მსაჯებმა გამარჯვებულად ლიანა ჯოჯუა გამოაცხადეს.
