შესაძლოა, ეს უკავშირდებოდეს პოლონეთი-უკრაინის საზღვრის გადაკვეთას, - ასე გამოეხმაურა მიხეილ სააკაშვილის ყოფილი ადვოკატი ოთარ კახიძე საქართველოს ყოფილი პრეზიდენტის დაკავებას.
მისი თქმით, დაკავება არ უკავშირდება საქართველოში ექსტრადირების საკითხს.
"სასაზღვრო ნაწილებს ჰყავს დაკავებული და არ უკავშირდება საქართველოში ექსტრადირების საკითხს, გასარკვევია ბევრი დეტალი, მნიშვნელოვანია, რომ მესამე პრეზიდენტის ფუნდამენტური უფლებები იყოს დაცული, რაც გათვალისწინებულია ევროკონვენციით. მისი უსაფრთხობა იყოს უზრუნველყოფილი და დაცული. რაც ასევე მნიშვნელოვანია, ყველასთვის გასაგებად უნდა იყოს ახსნილი, თუ რა გახდა დაკავების საფუძველი და რას უპირებენ მას. შესაძლოა, ეს უკავშირდებოდეს პოლონეთი-უკრაინის საზღვრის გადაკვეთას", - აღნიშნა კახიძემ.
ცნობისთვის, მიხეილ სააკაშვილი უცნობმა შეიარაღებულმა პირებმა კიევში, რესტორან „სულგუნთან“ დააკავეს.
