"ევროპული საქართველოს" პოლიტსაბჭოს თავმჯდომარის, გიგა ბოკერიას განცხადებით, პროდასავლური ოპოზიცია უნდა თანამშრომლობდეს, მაგრამ მიხეილ სააკაშვილის ფიგურის გარშემო თანამშრომლობა, ვერ მოხდება.
როგორც ბოკერია განმარტავს, მათი თანამშრომლობის შესაძლებლობას სააკაშვილის მიერ გაკეთებული განცხადებები ამცირებს.
„თან საპრეზიდენტო არჩევნების მზადებისკენ მოგვიწოდებს, თან იძახის არჩევნებით ივანიშვილის დამარცხებას აზრი არ აქვს, ეგ არ გამოვაო. თან ერთიანობაზე საუბრობს, თან ბინძურ ცილისწამებას აგრძელებს „ასავალ-დასავალის“ თვითონ „ქართული ოცნების“ სტილში. თან იძახის, რომ მე თუ ქართულ ციხეში აღმოვჩნდიო, რაც მე პირადად დიდი იმედი მაქვს, რომ არ მოხდება, მაშინ ივანიშვილი რეჟიმი დასრულდებაო. ესეგი, ქართველი ხალხი იტანს ქვეყნის დანგრევას 5 წელია, უბრალოდ მის დაჭერას ვერ აიტანს. ეს რა ლოგიკაა? მისი დამოკიდებულება ასუსტებს თანამშრომლობის შესაძლებლობას, ამაზეა საუბარი, თორემ პროდასავლური ოპოზიცია უნდა თანამშრომლობდეს, ამაში დარწმუნებული ვარ, უბრალოდ ეს თანამშრომლობა ვერ იქნება სააკაშვილის ფიგურის გარშემო თანამშრომლობა, რაც დადასტურდა გუშინდელი მისი გამონათქვამებით,“ - განაცხადა გიგა ბოკერიამ.
