მანდატურის ასაკის ზღვარმა შესაძლოა აიწიოს, თუმცა ეს ჯერ მხოლოდ განხილვის საკითხი იქნება, - ამის შესახებ განათლების კომიტეტზე “ზოგადი განათლების შესახებ” კანონში შესატანი ცვლილებების განხილვის შემდეგ შინაგან საქმეთა მინისტრის მოადგილე ნათია მეზვრიშვილმა განაცხადა.
მისი თქმით, კომიტეტის სხდომაზე გამოითქვა ისეთი შენიშვნები, რომლის გათვალისწინებაც აუცილებლად მოხდება. მისივე თქმით, შეყოვნების მექანიზმი არის აუცილებელი იმისთვის, რომ როდესაც სკოლაში ინციდენტი ხდება, მანდატურს ჰქონდეს შესაძლებლობა ინციდენტი განმუხტოს, განაცალკევოს მოსწავლე და შეაყოვნოს სანამ მშობელი ან სამართალდამცავი ორგანოს წარმომადგენელი მოვა.
“სოციალური სამსახურის როლს გაესვა ხაზი, რაზეც დაფიქრება ნამდვილად ღირს, რისი გათვალისწინებაც მოხდება, სანამ კანონი საბოლოო სახეს მიიღებს. შეყოვნების მექანიზმი არის აუცილებელი იმისთვის, რომ როდესაც სკოლაში ინციდენტი ხდება, მანდატურს ჰქონდეს შესაძლებლობა ინციდენტი განმუხტოს, განაცალკევოს მოსწავლე და შეაყოვნოს სანამ მშობელი ან სამართალდამცავი ორგანოს წარმომადგენელი მოვა. ამაში უკანონო არაფერია. ჩვენ ამის რეგულირებასკანონში ისე მოვახდენთ, რომ ეს არ დაემსგავსოს დაკავებას, პატიმრობას ან სისხლისსამართლებრივ მექანიზმებს, რომელსაც პოლიცია იყენებს ხოლმე როგორც წესი. შეყოვნება მოხდება იმ შემთხვევაში, თუ სკოლაში ორი მოზარდი ჩხუბობს და მაგალითად ერთს უჭირავს ცივი იარაღი და იმ მიზნით, რომ სიტუაცია განიმუხტოს, მანდატურს ჰქონდეს შესაძლებლობა განაცალკეოს მოზარდები და გაიყვანოს თუნდაც გვერდით განკუთნილ ოთახში”, – განაცხადა მეზვრიშვილმა.