ექსპერტი გური მენაბდიშვილი შინაგან საქმეთა სამინისტროს მიერ, "კლინიკური კარდიოლოგიის ინსტიტუტის" ტექნიკური მენეჯერის დაკავების ფაქტს ეხმაურება და ამბობს, რომ „ზოგადად ის, რომ ადამიანი ნარკოტიკებს ჰყიდის სხვის შვილებზე, შვილიშვილებზე, ქმრებზე, წამლავს და თვითონ ხეირს ნახულობს, რა თქმა უნდა, დაკავების და უმკაცრესად დასჯის ღირსია“. „ბუნებრივია, ადამიანურად არავის დაკავებას მივესალმები, თუმცა, ეს ისეთი შემთხვევაა, როდესაც მხოლოდ და მხოლოდ მისასალმებელია. ზოგადად ის, რომ ადამიანი ნარკოტიკებს ჰყიდის სხვის შვილებზე, შვილიშვილებზე, ქმრებზე, წამლავს და თვითონ ხეირს ნახულობს, რა თქმა უნდა, დაკავების და უმკაცრესად დასჯის ღირსია. ჩემს სფეროში ძალიან ხშირად ვაწყდები ექიმის მიერ შეგნებულად ჩადენილ დანაშაულებს, სამწუხაროდ. ეს არის დანაშაული და ამის აღმოფხვრა სხვანაირად შეუძლებელია, თუ არ დაისაჯნენ დამნაშავეები. იქნებ ეს დასჯა მაგალითად იქცეს სხვებისთვის, რომ არ გაბედონ მსგავსი რამ. რაც შეეხება რეალიზატორებს, გახშირდა ამ ბოლო დროს მათი დაკავება, ამაზე აღფრთოვანების გარდა რა შეიძლება გამოხატოს რიგითმა მოქალაქემ. ესენი არიან ადამიანები, რომლებიც სხვის უბედურებაზე საკუთარ ბედნიერებას იწყობენ. რა დააშავეს ამ ადამიანებმა, ვინც იწამლებიან და კვდებიან. მე მივესალმები მათ წინააღმდეგ კანონის გამკაცრებას და მათ დაკავებას. ბოლო დროს დაკავებულებში გამოჩნდნენ სამედიცინო სფეროს წარმომადგენლები, მოიმატა მათ წინააღმდეგ გატარებულმა ღონისძიებებმა და ეს უკვე ეფექტურ მუშაობას ნიშნავს.“ - გური მენაბდიშვილი
