ეს არის რუსეთის მხრიდან, ჩვენი სახელმწიფოებრიობის შელახვის ძალიან კარგად გააზრებული, დაგეგმილი და დეკლარირებული პოლიტიკა“, - ამის შესახებ "ევროპული საქართველოს" წევრმა, ელენე ხოშტარიამ ოკუპირებულ ცხინვალის რეგიონსა და რუსეთს შორის გაფორმებული ე.წ. შეთანხმების რატიფიცირების შესახებ დოკუმენტზე ვლადიმერ პუტინის მიერ ხელმოწერის საკითხზე საუბრისა განაცხადა.
ხოშტარიას თქმით, ამ ფონზე ყველაზე შემაშფოთებელი საგარეო საქმეთა სამინისტროს პოზიციაა.
„ეს არის რუსეთის მხრიდან ძალიან კარგად გააზრებული, დაგეგმილი, დეკლარირებული, ჩვენ სახელმწიფოებრიობის შელახვის პოლიტიკა. ეს საკითხი არ არის ახალი, მუდმივად ამის გაკეთებას ცდილობენ. პრობლემა არის იმაში თუ როგორ ვრეაგირებთ ჩვენ და რას ვუპირისპირებთ ამას. ამ ფონზე ძალიან საგანგაშოა საგარეო საგარეო საქმეთა მინისტრის განცხადება, რომელიც საუბრობს, რომ თურმე ჩვენ კონკრეტული შეთავაზება არ მიგვიღია უკრაინისგან, რომ საქართველოს ოკუპაციის საკითხი გახდეს სანქციების ნაწილი. ჩვენ პროაქტიულად უნდა ვმუშაობდეთ იმაზე, რომ რუსეთის ანექსიის მცდელობებს დავუპირისპიროთ მაქსიმალური საერთაშორისო რეაქცია, სანქციები არის ამის ყველაზე კონკრეტული საშუალება. ამაზე ჩვენ ვამბობთ უარს არაერთხელ, სწორედ ეს არის მთავარი პრობლემა“, - განაცხადა ელენე ხოშტარიამ.
ცნობისთვის, ოკუპირებულ ცხინვალის რეგიონსა და რუსეთს შორის გაფორმებული ე.წ. შეთანხმების რატიფიცირების შესახებ დოკუმენტს რუსეთის პრეზიდენტმა ვლადიმირ პუტინმა ხელი მოაწერა.
