ემრე ჩაბუქი არ არის საქართველოს პროკურატურის ბრალდებული, - ამის შესახებ საქართველოს მთავარმა პროკურორმა ირაკლი შოთაძემ განაცხადა.
"მიმდინარეობს ექსტრადირების პროცესის დასაშვებობის შესწავლა. სასამრთლოში განხილვები წარიმათება შეჯიბრებითობის და თანასწორობის პრინციპით. ჩვენ წარვადგენთ თურქეთის პროკრატურიდან მიღებულ მასალებს, დაცვის მხარე კი წარმოადგენს მის ხელთ არსებულ მასალებს. ამ შემთხვევაში, ეს არ არის ჩვენი ბრალდების სისხლის სამათლის საქმე. ხსენებული პიროვნება არ არის საქართველოს პროკურატურის ბრალდებული. საუბარია ექსტრადირების პროცესზე, თურქეთის პროკურატურიდან მიღებული მტკიცებულებების და სისხლის სამართლის მასალების საფუძველზე. კანონით გათვალისწინებულ ფარგლებში მიმდინარეობს ეს პროცედურები"- აღნიშნა შოთაძემ.
დემირელის კერძო კოლეჯის ხარისხის მართვის მენეჯერი მუსტაფა ემრე ჩაბუქი 2017 წლის მაისში, თბილისში, თურქეთის მხარის მოთხოვნით დააკავეს. ჩაბუქის ექსტრადირების საკითხზე სასამართლო 19 თებერვალს იმსჯელებს. მოსამართლემ პროცესის გადადების გადაწყვეტილება დაცვის მხარის შუამდგომლობის და ბრალდების პოზიციის მოსმენის შემდეგ მიიღო.