,,სამხედრო ძალების რეზერვი და სამხედრო სარეზერვო სამსახურის შესახებ” კანონპროექტზე არსებობს გარკვეული შენიშვნები, როგორც ტექნიკური, ასევე შინაარსობრივი თვალსაზრისით, - ამის შესახებ თავდაცვის და უშიშროების კომიტეტის სხდოსხდომაზე ირაკლი სესიაშვილმა განაცხადა.
,,სამხედრო სარეზერვო სამსახური არის ჩვენი ქვეყნის ხერხემალი. თავდაცვის სამინისტრო ამ კონცეფციაზე საკმაოდ ხანგრძლივად მუშაობდა. ჩართული იყვნენ პარტნიორი ქვეყნების ექსპერტები, ასევე სამოქალაქო საზოგადოების წარმომადგენლები. პროექტით შემოთავაზებული სამხედრო სარეზერვო სამსახური ძალიან თავსებადი იქნება შეიარაღებულ ძალებთან , მათ ფუნქციებთან და ამოცანებთან , რაც გვაძლევს იმის მოლოდინის საფუძველს, რომ სისტემა სწორად განვითარდება.
კანონპროექტი საკმაოდ დიდია და მეორე მოსმენის ფარგლებში მოგვიწევს დეტალურად ჩავეძიოთ თოთოეულ მუხლს. არსებობს გარკვეული შენიშვნები, როგორც ტექნიკური, ასევე შინაარსობრივი თვალსაზრისით. ეს არის გადავადება, სამხედრო სარეზერვო სამსახურიდან გათავისუფლება, წვევამდელებთან დაკავშირებული საკითხი. ის დეტალები სადაც ჩარევა შეიძლება ჩვენი ფუნქცია არ იყოს, მაგრამ ჩვენთვის მნიშვნელოვანია ინფორმაცია, რათა გვქონდეს სრული სურათი, თუ როგორ დარეგულირდება სარეზერვო სამსახური როგორც საკანონმდებლო დონეზე, ასევე პრაქტიკაში”, - აღნიშნა სესიაშვილმა.
,,სამხედრო ძალების რეზერვი და სამხედრო სარეზერვო სამსახურის შესახებ” კანონში ცვლილებების ამოქმედება 2020 წლიდან არის დაგეგმილი.