ჩვენ ვხედავთ საქართველოში აშშ-ისა და ნატო-ს აქტივიზაციას, მნიშვნელოვნად გააქტიურებულია შეიარაღების მიწოდება, ვხედავთ ვაზიანის ტრანსფორმაციას საკმაოდ თანამედროვე საწვრთნელ ცენტრად საქართველოს რეგულარული შეიარაღებული ძალებისთვის, - ამის შესახებ რუსეთის საგარეო საქმეთა მინისტრის მოადგილე გრიგორი კარასინმა განაცხადა.
ნატო-ში საქართველოს გაწევრიანებასთან დაკავშირებით, კარასინი ამბობს რომ "მოვლენებს წინ არ უნდა გავუსწროთ და დავრჩეთ ოპტიმისტები".
"რუსეთი გააგრძელებს მუშაობას იმისთვის, რომ რეგიონსგარე სამხედრო-პოლიტიკური ბლოკები არ მიუახლოვდნენ ჩვენს საზღვრებს და არ გაამწვავონ ის სირთულეები, რომლებიც ისედაც არსებობს ჩვენს მეზობლებთან მიმართებაში“, – განაცხადა კარასინმა.
