ერთადერთი შანსი ამ ქვეყნის გადარჩენის და ერთადერთი შანსი იმისა, რომ ქვეყანა ქვეყანას დაემსგავსოს და ამას საფუძველი ჩაეყაროს, იქნება ჩემი ხელისუფლებაში და პრეზიდენტად მოსვლა, - ამის შესახებ "დემოკრატიული მოძრაობის" ლიდერმა ნინო ბურჯანაძემ ტელეკომპანია "პირველის" გადაცემა "რეაქციაში" განაცხადა.
მისი თქმით, ის აპირებს პრეზიდენტობისთვის ბრძოლას, მაგრამ ამას მხოლოდ იმ შემთხვევაში გააკეთებს, თუ დაინახავს, რომ მოსახლეობა ბიძინა ივანიშვილის მილიარდებით არ დაბრმავდება.
"რა თქმა უნდა, მე ვაპირებ კენჭისყრას, რა თქმა უნდა, მე ვაპირებ ბრძოლას არა პრეზიდენტობისათვის, არამედ იმისათვის რისი გაკეთებაც მე შემიძლია ამ თანამდებობაზე, მაგრამ ამისათვის, რომ მე ეს გადაწყვეტილება მივიღო, მე უნდა დავინახო, რომ მოსახლეობა არ დაბრმავდება ბიძინა ივანიშვილის მილიარდებით, მოსახლეობა მიიღებს გადაწყვეტილებას ქვეყნის ინტერესებიდან გამომდინარე, იმიტომ რომ ყოველგვარი ზედმეტი თავმდაბლობის გარეშე შემიძლია ვთქვა, ერთადერთი შანსი ამ ქვეყნის გადარჩენის და ერთადერთი შანსი იმისა, რომ ქვეყანა ქვეყანას დაემსგავსოს და ამას საფუძველი ჩაეყაროს, იქნება ჩემი ხელისუფლებაში და პრეზიდენტად მოსვლა", - განაცხადა ნინო ბურჯანაძემ.
