"მიგვაჩნია, რომ საქმეზე სრულყოფილი გამოძიება არ არის ჩატარებული", - ამის შესახებ მოზარდების მკვლელობის საქმეზე ბრალდებული ერთ-ერთი არასრულწლოვნის ადვოკატმა, ტარიელ კაკაბაძემ განაცხადა.
უფლებადამცველი დარწმუნებულია რომ სასამართლო გამოძიების ეტაპზე დაშვებულ შეცდომებს მალე დაინახავს.
"არასწორად გამოძიებული საქმე გადაეცა არსებითად განსახილველად. მიგვაჩნია, რომ საქმეზე სრულყოფილი გამოძიება არ არის ჩატარებული, საგამოძიებო ორგანო თავიდანვე არასწორ გზას დაადგა. შესაბამისად, არასწორად გამოძიებული საქმე წარიმართა არსებითად განსახილველად.
მას შემდეგ, რაც დავიწყებთ მტკიცებულებათა გამოკვლევას, მოწმეთა დაკითხვას, სასამართლო დაინახავს, რომ საქმე სრულყოფილად არ არის გამოძიებული და სიმართლე ძალიან განსხვავდება იმისგან, რასაც ბრალდების მხარე გვთავაზობს"- განაცხადა ჟურნალისტებთან ტარიელ კაკაბაძემ .
