ამერიკის შეერთებული შტატების სახელმწიფო დეპარტამენტის განცხადება ნიშნავს იმას, რომ აშშ-ს ადმინისტრაციის დღის წესრიგში საქართველოსა და ჩვენს რეგიონში მიმდინარე პროცესებს მნიშვნელოვანი ადგილი უკავია, – ამის შესახებ პარლამენტის საგარეო ურთიერთობათა კომიტეტის თავმჯდომარე სოფიო ქაცარავამ განაცახადა.
ის აშშ-ს სახელმწიფო დეპარტამენტის მიერ ოფიციალურ ვებგვერდზე გამოქვეყნებულ საქართველოს ტერიტორიული მთლიანობის მხარდამჭერ განცხადებას გამოეხმაურა და აღნიშნა, რომ მსგავს გზავნილებს დიდი დატვირთვა აქვს, განსაკუთრებით იმ კონტექსტში, როდესაც რუსეთის ფედერაციიდან მორიგი პროვოკაციული ნაბიჯი იდგმება.
„ეს გამოიხატა არაერთ რეზოლუციასა და ოფიციალურ დოკუმენტში. ის, რომ ყოველთვის არის საზოგადოებრივი თანამეგობრობის მხრიდან, ამ კონკრეტულ შემთხვევაში, სახელმწიფო დეპარტამენტის მხრიდან ჩვენი სტრატეგიული პარტნიორის აშშ-ის მხრიდან ასეთი მყისიერი და მტკიცე პოზიცია, საქართველოს ოკუპირებულ ტერიტორიებთან დაკავშირებით, არის ძალიან მნიშვნელოვანი“, – განაცხადა სოფიო ქაცარავამ.
