„ალდამოვის ფირობს, რომ მისი მოკვლა უნდოდათ და თემირლანი შეეშალათ. ჩემი მოკვლა უნდოდათ, თემირლანი შეეშალათო, ამბობს ის“, - აღნიშნული ინფორმაცია ექსკლუზიურად „ჯი-ეიჩ-ენს“ ალდამოვთან შეხვედრის შემდეგ მისმა ადვოკატმა, მარიამ კუბლაშვილმა მიაწოდა.
როგორც ადვოკატი აცხადებს, მისი დაცვის ქვეშ მყოფმა მას დღეს მნიშვნელოვანი ინფორმაცია მიაწოდა და განმარტავს, იმასაც, თუ რატომ ჰქგონია ალდამოვს, რომ სპეცრაზმელებს მისი ლიკვიდაცია სურდათ.
„დაკავების დროს, თავზე მქონდა ჩამოფარებულიო, სპეცრაზმელი მოვიდაო, ამხადაო და უცნაურად მკითხაო, შენ რა გქვიაო? დანარჩენს აღარ გავაგრძელებ თუ რატომ და რისთვის ჰგონია, რომ მისი მოკვლა უნდოდათ, ყოველ შემთხვევაში ასე ფიქრობს.. დასაკავებლად მოხვედით და არ იცით ვინ ვარო? იმხელა ხმაურით შემოხვედით და.. გაოცებული იყო, ის ეჭვობს, რომ მისი მოკვლა უნდოდათ“, - აცხადებს კუბლაშვილი.
შეგახსენებთ, რომ პანკისის ხეობასა და თბილისში ჩატარებული სპეცოპერაციის შედეგად დაკავებულ ზურაბ გორნაკაშვილს, რუსლან ალდამოვს, რამაზ მარგოშვილს და ბადურ ჩოფანაშვილს თბილისის საქალაქო სასამართლომ აღკვეთის ღონისძიების სახით პატიმრობა 8 იანვარს შეუფარდა.
ალდამოვი ამ დრომდე დუმილის უფლებას ინარჩუნებდა.
