მსახიობ გიორგი გიორგანაშვილის, იგივე „ბახალას“ ადვოკატი, გიორგი მახარაძე „ჯი-ეიჩ-ენთან“ საუბარში აცხადებს, რომ მსჯავრდებული საბრძოლო განწყობაზეა. ადვოკატი „ბახალას“ #8-ე სასჯელაღსრულების დაწესებულებაში რამდენიმე წუთის წინ შეხვდა.
„საბრძოლო განწყობითაა, მოტივირებულია, ვაგრძელებთ როგორც სამართლებრივ ბრძოლას, ასევე სოციალურ აქტივობებს. ის ყველას მოუწოდებს, რომ ხვალინდელ აქციაზე მივიდნენ, რადგან ეს მხოლოდ მისი პრობლემა არ არის, ის არის რიგითი მსხვერპლი ჩადებების პრაქტიკის და უსამართლო კანონის.
რა თქმა უნდა, მოსამართლის ეს გადაწყვეტილება ყველასთვის მოულოდნელი იყო, მათ შორის, მისთვისაც“, - განაცხადა მახარაძემ.
შეგახსენებთ, რომ გუშინ, გიორგი გიორგანაშვილს მოსამართლემ 8 წლით თავისუფლების აღკვეთა მიუსაჯა. მას ბრალი განსაკუთრებით დიდი ოდენობით ნარკოტიკული ნივთიერების შეძენა-შენახვის ფაქტზე ედებოდა.
ცნობისთვის, 25 იანვარს, 17:00 საათზე მთავრობის ადმინისტრაციის შენობის წინ „თეთრი ხმაურის მოძრაობა“ გიორგი გიორგანაშვილის მხდარასაჭერ აქციას გამართავს.