თბილისის საკრებულოს უმრავლესობის დეპუტატი, ვახტანგ შაქარაშვილი “ნაციონალური მოძრაობის” წევრის ლევან ხაბეიშვილის განცხადებას ეხმიანება.
შაქარაშვილის შეფასებით, ლევან ხაბეიშვილს უნდა, რომ გაიზრდება, ნიკა მელია გამოვიდეს.
“ლევან ხაბეიშვილს უნდა, რომ გაიზრდება ნიკა მელია გამოვიდეს, თუმცა არ ვიცით ეს რამდენად მოხერხდება. ისინი ამტვრევენ ღია კარს, ისინი დაესწრნენ მთავრობის სხდომას, დასვეს კითხვები და მიიღეს პასუხები. შესაბამისად, სპეკულაციები, რომ მათ დედაქალაქის მთავრობის სხდომაზე არ უშვებდნენ, ზედმეტია, რადგან ჩვენ ვნახეთ, რომ ისინი სხდომას დაესწრნენ”, – განაცხადა შაქარაშვილმა.
ლევან ხაბეიშვილის განცხადებით, იპოდრომის ტერიტორიაზე ესტაკადის მშენებლობაზე ახალმა მთავრობამ იმ პროექტის მიხედვით გამოაცხადა ტენდერი, რომელიც დავით ნარმანიას მერობის დროს დოკუმენტაციაში არსებული ხარვეზების გამო დაიწუნეს.
