,,საერთაშორისო ზიანი, რომელიც საქართველომ მიიღო მუხტარლის საქმიდან გამომდინარე უფრო ღრმავდება’’ - განაცხადა ,,ევროპული საქართველოს“ წევრმა სერგი კაპანაძიემ.
,,ჩვენ ვნახეთ განცხადებები, რომელიც ჩვენმა სტრატეგიულმა პარტნიორებმა ევროკავშირმა და აშშ-მ გააკეთეს. აქედან სწორი გამოსავალი ახლა არის ის, რასაც ევროპული საქართველო ბოლო თვეებია მთავრობას სთავაზობს - საგამოძიებო კომისიის შექმნა პარლამენტის შიგნით, გამჭვირვალე გამოძიების წარმოება, რომელსაც ექნება ყველანაირი ლეგიტიმაცია რომ დადოს სწორი დასკვნები და რა თქმა უნდა ამის შედეგი უნდა იყოს კონკრეტული პიროვნებების პოლიტიკური პასუხისმგებლობის საკითხის დაყენება. ეს არის ერთადერთი სწორი გამოსავალი. მთავრობის დამოკიდებულება, რომ მიჩქმალოს ეს თემა თითქოს არაფერი მომხდარა იქნება უეფექტო. ეს არის ძალიან რეზონანსული საქმე. გაჩუმებით და არაფრის კეთებით ეს საქმე არ მოგვარდება,’’ - განაცხადა სერგი კაპანაძემ.
აზერბაიჯანულ ჟურნალისტ აფგანმუხთარლის აზერბაიჯანულმა სასამართლომ 6 წლით თავისუფლების აღკვეთა მიუსაჯა.
მუხთარლი თბილისიდან 2017 წლის 29 მაისს გაუჩინარდა, მეორე დღეს კი, ცნობილი გახდა, რომ ის აზერბაიჯანში დააკავეს. მას ბრალდება საზღვრის უკანონო კვეთას, კონტრაბანდას და მესაზღვრეების დაუმორჩილებლობას ედავება. თავად ბრალდებული თავს დამნაშავედ არ მიიჩნევს და თვლის, რომ ქვეყნის მმართველი გუნდი აზერბაიჯანის ხელისუფლებასთანაა გარიგებული.
ამერიკის სახელმწიფო დეპარტამენტის შემდეგ აზერბაიჯანელი ჟურნალისტის, აფგან მუხთარლის შესახებ ოფიციალურ განცხადებას ბრიუსელიც აქვეყნებს. განცხადება ევროკავშირის ოფიციალურ ვებ გვერდზეა გამოქვეყნებული. მასში ნათქვამია, რომ ჟურნალისტის მიმართ 12 იანვარს ბალაკანის სასამართლოს მიერ გამოტანილმა ვერდიქტმა ადამიანის ფუნდამენტურ უფლებებთან, მათ შორის, აზრის გამოხატვის თავისუფლების, თავისუფალი მედიისა და აზერბაიჯანში კანონის უზენაესობის კუთხით სერიოზული კითხვები გააჩინა. განცხადებაში აღნიშნულია, რომ საქართველოდან აფგან მუხტარლის სავარაუდო გატაცების ფაქტი, რომელსაც შემდგომ აზერბაიჯანში მისი დაკავება მოჰყვა, დეტალურად და გამჭირვალედ უნდა იყოს გამოძიებული.