დონალდ ტრამპი კიმ ჩენ ინთან სასაუბროდ მზადაა. აშშ-ს პრეზიდენტს ჟურნალისტებთან შეხვედრისას დაუსვეს კითხვა, მზად არის თუ არა ის სატელეფონო საუბარი გამართოს ჩრდილოეთ კორეის ლიდერთან.
„რა თქმა უნდა, მე ყოველთვის მჯერა დიალოგის. თუმცა, ჩვენ ძალიან მტკიცე პოზიცია გვიკავია“, - განაცხადა ტრამპმა. მისი თქმით, მისი ადმინისტრაცია ძალიან მტკიცედ არის განწყობილი. „მაგრამ მე ამას გავაკეთებდი. აღნიშნულთან დაკავშირებით არანაირი პრობლემა არ მაქვს“, - აღნიშნა მან.
,,თუ ჩვენ შევძლებთ გამოვძებნოთ კარგი და მშვიდობიანი გადაწყვეტილება, თუ ამგვარი მოლაპარაკებების მეშვეობით რამე გამოგვივა, ეს კარგი იქნება სრულიად კაცობრიობისთვის“, - დასძინა ტრამპმა.
