მიანმარიდან დევნილი როჰინჯა მუსლიმების რაოდენობა 624 ათასამდე გაიზარდა. ამის შესახებ გაეროს გენერალური მდივნის წარმომადგენელმა სტეფან დიუჟარიკმა განაცხადა. მისივე თქმით, ბანგლადეშის საზღვარს დღის განმავლობაში 430-მდე დევნილი კვეთს. მიანმარში სიტუაცია 2017 წლის 25 აგვისტოს დაიძაბა, როდესაც როჰინჯები თავს არმიისა და პოლიციის საგუშაგოებს დაესხნენ. პასუხად, მიანმარის ხელისუფლებამ მუსლიმებით დასახლებულ რაკჰაინის რაიონში სამხედრო რეიდებო მოაწყო, რასაც ასობით ადამიანი ემსხვერპლა, ასობით ათასი კი დევნილად იქცა.
