საქართველოს პრეზიდენტის მიხეილ სააკაშვილის და აზერბაიჯანის პრეზიდენტის ილჰამ ალიევის პირისპირ შეხვედრა დაიწყო.
ბათუმში, სასტუმრო "შერატონში" პრეზიდენტების პირისპირ შეხვედრის შემდეგ გაფართოებული სხდომა გაიმართება, რომელშიც აზერბაიჯანული დელეგაციის და ქართული მხარის წარმომადგენლები მიიღებენ მონაწილეობას.
შეხვედრებზე მხარეები უსაფრთხოების და საერთაშორისო ორგანიზაციებში საქართველო-აზერბაიჯანის ინტეგრაციის საკითხებს განიხილავენ.
შეხვედრის დასრულების შემდეგ კი ორი ქვეყნის პრეზიდენტი ერთობლივ პრესკონფერენციას გამართავს.
დღის მეორე ნახევარში კი სააკაშვილი და ალიევი ბათუმის ღირსშესანიშაობებს მოინახულებენ.
შეგახსენებთ, რომ აზერბაიჯანის პრეზიდენტი ილჰამ ალიევი მეუღლესთან მეჰრიბან ალევასთან ერთად ბათუმში დაახლოებით ერთი საათის წინ ჩამოვიდა. ალიევი ბათუმს დღეს, საღამოს დატოვებს.
