საქართველოდან გამგზავრებამდე, ლუქსემბურგის დიდი საჰერცოგოს ვიცე-პრემიერი და საგარეო საქმეთა მინისტრი ჟან ასელბორნი "ჩვენი საქართველო - თავისუფალი დემოკრატების" ლიდერს, ირაკლი ალასანიას შეხვდა.
ალასანიას განცხადებით, იგი ევროპელ დიპლომატს საქართველოში საარჩევნო გარემოს გაჯანსაღების აუცილებლობასა და ამ კუთხით არსებულ პრობლემებზე ესაუბრა. ასევე ალასანიას თქმით, საუბარი შეეხო მედიის სფეროში არსებულ პრობლემებსაც.
"ვისაუბრეთ არჩევნებზე, საარჩევნო გარემოზე. იმ დარღვევებზე, რაც ჩვენი და საერთაშორისო თანამეგობრობის მიერ დაფიქსირდა. ეს აუცილებლად უნდა გამოსწორდეს მომდევნო არჩევნებზე. ასევე ვისაუბრეთ მედიაში არსებულ პრობლემებზე და რა უნდა გაუმჯობესდეს ამ მიმართულებით. ასევე იმაზე, რომ უნდა მოხდეს პოლიციის დეპოლიტიზაცია", - აღნიშნა ალასანიამ.