ევროკავშირის წევრი ქვეყნები, მათ შორის ლუქსემბურგი, საქართველოს ოკუპირებული ტერიტორიების არაღიარების პოლიტიკას არ გადაუხვევენ. ამის შესახებ საქართველოს საგარეო საქმეთა მინისტრმა გრიგოლ ვაშაძემ ლუქსემბურგის დიდი საჰერცოგოს ვიცე-პრემიერმინისტრ ჟან ასელბორნთან შეხვედრის დასრულების შემდეგ ერთობლივ პრესკონფერენციაზე განაცხადა.
"ევროკავშირი და ლუქსემბურგი საქართველოს ოკუპირებული ტერიტორიების არაღიარების პოლიტიკას იცავენ. თავიანთი მოქალაქეები და ბიზნესიც გაფრთხილებული ჰყავთ, რომ აფხაზეთსა და ცხინვალის რეგიონში ჩვენი კანონმდებლობის დარღვევით არ შევიდნენ და იქ საქმიანობა არ განახორცილონ", - განაცხადა ვაშაძემ.
ჟან ასელბორნმა აღნიშნა, რომ ლუქსემბურგი მხოლოდ იმ შემთხვევაში განახორცილებს აფხაზეთში და სამხრეთ ოსეთში საქმიანობას, თუ ეს იქ მცხოვრები მოსახლეობის დახმარებას შეეხება.
"ჩვენთვის მნიშვნელოვანია იმ ადამიანებს დავეხმაროთ, ვინც ამ ტერიტორიებზე ცხოვრობენ. ეს ერთადერთი შემთხვევა იქნება, როდესაც ჩვენ აფხაზეთსა და სამხრეთ ოსეთის ტერიტორიაზე საქმიანობის წინააღმდეგები არ ვართ", - აღნიშნა მან.