კომპანია "თელასის" ქვესადგურ "საბურთალო 2-ში" პროფილაქტიკური სარემონტო სამუშაოების ჩატარების გამო 16 ივლისს 10 საათიდან 18 საათამდე ვაკის რაიონის მოსახლეობის ნაწილს ელექტრომომარაგება დროებით შეუწყდება.
ელექტრომომარაგება შეეზღუდება: ნუცუბიძის I და III მიკრორაიონებს (ნაწილობრივ), ვაჟა-ფშაველას II, III, IV, VI და VII კვარტლების, ყაზბეგის გამზირის(ნაწილობრივ), ნუცუბიძის(ნაწილობრივ), ქავთარაძის, უნივერსიტეტის, გურიელის, გამრეკელის, მარგიანის, ძოწენიძის და მიმდებარე ქუჩების მაცხოვრებლებს.
სარემონტო სამუშაოების დამთავრებისთანავე მომხმარებლებს ელექტროენერგიის მიწოდება აღუდგება.
